దర్శకుడు సందీప్ రెడ్డి వంగా దర్శకత్వంలో ప్రభాస్ హీరోగా ‘స్పిరిట్‌’ అనే సినిమా చేయబోతున్నాడు. ఐతే, ఈ క్రేజీ సినిమా ఎప్పుడు స్టార్ట్ అవుతుంది ?, ఎప్పుడు రిలీజ్ అవుతుంది ? అంటూ ప్రభాస్ ఫ్యాన్స్ తెగ ఆసక్తి చూపిస్తున్నారు. తాజాగా వినిపిస్తున్న అప్ డేట్ ప్రకారం సందీప్ రెడ్డి ఈ సినిమా స్క్రిప్ట్ పూర్తి చేసినట్లు తెలుస్తోంది. ఈ చిత్ర కథలో ప్రభాస్ పాత్ర వైల్డ్ ఎలిమెంట్స్ తో బోల్డ్ గా సాగుతుందని, పైగా ప్రభాస్ డ్యూయెల్ రోల్ లో కనిపించబోతున్నాడని టాక్.
పైగా ఇప్పటికే, ఈ సినిమాలో ప్రభాస్ పవర్ ఫుల్ మాఫియా డాన్ గా కనిపిస్తాడని, ముఖ్యంగా ప్రభాస్ పాత్రలోని డెప్త్ కూడా నెవ్వర్ బిఫోర్ అనే రేంజ్ లో ఉంటుందని వార్తలు వచ్చాయి. అన్నట్టు ప్రభాస్ నుంచి ప్రేక్షకులు ఏదైతే బలంగా కోరుకుంటున్నారో అదే ఈ సినిమాలో ఉంటుందట. దాదాపు రూ.400 కోట్లకు పైగా బడ్జెట్‌ తో ఈ సినిమా తెరకెక్కనుంది. ప్రస్తుతం ప్రభాస్ రాజాసాబ్ సినిమా పూర్తి చేసే పనిలో ఉన్నాడు.
