పవర్ స్టార్ పవన్ కళ్యాణ్ పుట్టిన రోజు సందర్భంగా థియేటర్ల లోకి మళ్ళీ వచ్చిన గబ్బర్ సింగ్ చిత్రం బాక్సాఫీస్ వద్ద భారీ వసూళ్లను రాబట్టింది. నార్త్ అమెరికాలో ఈ చిత్రం రీ రిలీజ్ అయిన చిత్రాల్లో ఆల్ టైమ్ రికార్డు ను క్రియేట్ చేసింది. ఈ చిత్రం అక్కడ 66,186 డాలర్ల వసూళ్లు రాబట్టింది. పవన్ కళ్యాణ్ చిత్రం ఈ రేంజ్ లో వసూళ్లు రాబట్టడం పట్ల మేకర్స్, అభిమానులు సంతోషం వ్యక్తం చేస్తున్నారు.
హరీష్ శంకర్ దర్శకత్వంలో తెరకెక్కిన ఈ మాస్ యాక్షన్ ఎంటర్టైనర్ లో స్టార్ హీరోయిన్ శృతి హాసన్ కథానాయికగా నటించింది. శ్రీ పరమేశ్వర ఆర్ట్ ప్రొడక్షన్స్ పతాకంపై బండ్ల గణేష్ నిర్మించిన ఈ చిత్రానికి రాక్ స్టార్ దేవి శ్రీ ప్రసాద్ సంగీతాన్ని అందించాడు. తెలుగు రాష్ట్రాల్లో కూడా ఈ చిత్రం భారీ వసూళ్లు రాబట్టింది.
