యంగ్ హీరో శ్రీ విష్ణు నటిస్తున్న క్రేజీ మూవీ ‘స్వాగ్’ ఇప్పటికే మంచి అంచనాలను క్రియేట్ చేసింది. ఈ సినిమా పోస్టర్స్ మొదలుకొని, టీజర్ వరకు అన్నీ క్రేజీగా ఉండటంతో ఈ సినిమా ఇంకెంత క్రేజీగా ఉంటుందా అని ప్రేక్షకులు ఆసక్తిగా ఎదురుచూస్తున్నారు. ఇక ఈ సినిమాలోని ఫస్ట్ సాంగ్ ‘‘సింగరో సింగ’’ కూడా ప్రేక్షకులను ఆకట్టుకుంది. తాజాగా ఈ సినిమా రెండో లిరికల్ సాంగ్‌కి సంబంధించిన ప్రోమోను మేకర్స్ రిలీజ్ చేశారు.
‘గువ్వ గూటిలో’ అంటూ సాగే ఈ సాంగ్‌లో శ్రీ విష్ణు పాత సినిమాల్లోని డ్యాన్సర్ కమ్ సింగర్ అవతారంలో కనిపించాడు. ఈ పాట ట్యూన్ కూడా చాలా క్యాచీగా ఉండటంతో పూర్తి పాటకోసం ప్రేక్షకులు చూస్తున్నారు. ఇక ఈ సాంగ్‌ను రేపు సాయంత్రం 5.04 గంటలకు రిలీజ్ చేస్తున్నట్లు మేకర్స్ తెలిపారు.
ఈ సినిమాలో అందాల భామ రీతూ వర్మ, మీరా జాస్మిన్, దక్ష నాగర్కర్, శరణ్య ప్రదీప్, రవిబాబు తదితరులు ఇతర ముఖ్య పాత్రల్లో నటిస్తున్నారు. శ్రీ విష్ణు ఈ సినిమాలో ఏకంగా 4 పాత్రల్లో నటిస్తుండటం విశేషం. ఇక ఈ సినిమాను హసిత్ గోలి డైరెక్ట్ చేయగా, పీపుల్ మీడియా ఫ్యాక్టరీ బ్యానర్‌పై టి.జి.విశ్వప్రసాద్ ఈ చిత్రాన్ని ప్రొడ్యూస్ చేస్తున్నారు. ‘స్వాగ్’ చిత్రాన్ని అక్టోబర్ 4న రిలీజ్ చేసేందుకు మేకర్స్ రెడీ అవుతున్నారు.
