టాలీవుడ్ టాలెంటెడ్ యాక్టర్ సుహస్ వరుస సినిమాలతో బిజీగా ఉన్నాడు. అర్జున్ వై. కే దర్శకత్వంలో తెరకెక్కిన ప్రసన్నవదనం చిత్రం బాక్సాఫీస్ వద్ద మంచి ఓపెనింగ్స్ ను అందుకుంది. ప్రేక్షకులని అలరించిన ఈ చిత్రం, ఇటీవల వరల్డ్ టెలివిజన్ ప్రీమియర్ గా ప్రముఖ టీవీ ఛానల్ అయిన స్టార్ మాలో ప్రసారం అయ్యింది.
ఈ చిత్రానికి బుల్లితెర పై మంచి రెస్పాన్స్ వచ్చింది. ఈ చిత్రానికి సంబంధించిన టీఆర్పీ రేటింగ్ తాజాగా వెలువడింది. ఈ చిత్రం 5.47 టీఆర్పీ రేటింగ్ ను రాబట్టింది. పాయల్ రాధాకృష్ణ, రాశి సింగ్ కీలక పాత్రల్లో నటించిన ఈ చిత్రానికి విజయ్ బుల్గానిన్ సంగీతం అందించాడు. ఈ చిత్రానికి లిటిల్ థాట్స్ సినిమాస్ వారు నిర్మాణం వహించారు.
