వైవిధ్యమైన కంటెంట్‌తో సినిమాలు, వెబ్ సిరీస్‌లను ప్రేక్షకుల ఇంటికే పట్టుకొస్తున్న ప్రముఖ ఓటీటీ ప్లాట్‌ఫామ్ ఆహాలో మరో వినూత్నమైన ఎంటర్‌టైనర్ మూవీ స్ట్రీమింగ్‌కి సిద్ధమైంది. ‘బాలు గాని టాకీస్’ అనే ఇంట్రెస్టింగ్ టైటిల్‌తో తెరకెక్కిన ఈ సినిమా ప్రేక్షకుల్లో మంచి బజ్‌ని క్రియేట్ చేసింది. శివ రామచంద్రవరపు హీరోగా నటిస్తున్న ఈ సినిమాను సెప్టెంబర్ 13 నుంచి ఆహాలో స్ట్రీమింగ్ చేస్తున్నట్లు ఇప్పటికే అనౌన్స్ కూడా చేశారు.
అయితే, ఇప్పుడు ఈ సినిమా స్ట్రీమిండ్ డేట్ మారిందని ఆహా అఫీషియల్‌గా అనౌన్స్ చేసింది. కొన్ని కారణాల వల్ల ఈ చిత్ర ఓటీటీ స్ట్రీమింగ్ డేట్ వాయిదా పడిందని వారు పేర్కొన్నారు. అయితే, ‘బాలు గాని టాకీస్’లో షో టైమ్ మారింది.. ఎంటర్‌టైన్‌మెంట్ కాదు.. అంటూ వారు ఈ సినిమాపై తమ కాన్ఫిడెన్స్‌ను మరోసారి చెబుతున్నారు.
ఇక ఈ సినిమాలో శరణ్య శర్మ, రఘు కుంచె ఇతర ముఖ్య పాత్రల్లో నటిస్తున్నారు. ఈ చిత్రాన్ని విశ్వనాథ్ ప్రతాప్ డైరెక్ట్ చేయగా, శ్రీనిధి సాగర్ ప్రొడ్యూస్ చేస్తున్నారు. ఈ చిత్రానికి స్మరణ్ సంగీతం అందిస్తున్నారు. మరి ‘బాలు గానీ టాకీస్’ షో టైమ్ ఎప్పుడనేది క్లారిటీ వచ్చే వరకు వెయిట్ చేయాల్సిందే.
