మ్యాన్ ఆఫ్ మాసెస్ ఎన్టీఆర్ హీరోగా దర్శకుడు కొరటాల శివ కాంబినేషన్ లో తెరకెక్కించిన భారీ పాన్ ఇండియా చిత్రం “దేవర” కోసం అందరికీ తెలిసిందే. మరి ఎన్టీఆర్ నుంచి వస్తున్న తన 30వ సినిమా ఇది కాగా ఫ్యాన్స్ లో ఎనలేని అంచనాలు నెలకొన్నాయి. ఇక రీసెంట్ గా వచ్చిన ట్రైలర్ కూడా ఫ్యాన్స్ కి ఎంతగానో ఎక్కేసింది. దీనితో పాటుగా సినిమా సెన్సార్ పూర్తి చేసుకున్నట్టుగా కూడా కన్ఫర్మ్ అయ్యింది.
అయితే ఈ సినిమా సెన్సార్ లో సెన్సార్ యూనిట్ కట్స్ చెప్పిన సీన్స్ తెలుస్తున్నాయి. వాటిలో ఒకతను తన భార్య కడుపు మీద తన్నే సీన్ ఒకటి, అలాగే కుంజర అనే అతని కొడుకు తన తల్లిని కొట్టే సీన్ ఇంకా కత్తికి వేలాడదీసిన ఒక బాడీ సీన్ ఫైనల్ గా సొర చేప విజువల్ లో సిజిఐ మార్క్ వేయలేదని ఈ నాలుగు సీన్స్ కట్స్ చెప్పారట. ఇలా టోటల్ గా 7 సెకండ్స్ కట్స్ లో 2 సెకండ్స్ రీప్లేస్ చేసినట్టుగా తెలుస్తుంది. ఇక ఈ భారీ చిత్రానికి అనిరుద్ సంగీతం అందించగా ఈ సెప్టెంబర్ 27న గ్రాండ్ గా సినిమా రిలీజ్ కి రావోతుంది.
