గ్లోబల్ స్టార్ రామ్ చరణ్ హీరోగా మావెరిక్ దర్శకుడు కాంబినేషన్ లో చేస్తున్న భారీ పాన్ ఇండియా చిత్రం “గేమ్ ఛేంజర్” కోసం ఎప్పటి నుంచో మెగా ఫ్యాన్స్ ఆసక్తిగా ఎదురు చూస్తున్న సంగతి తెలిసిందే. అయితే ఈ సినిమా నుంచి వరుస అప్డేట్స్ ఒకొకటి వస్తుండగా రీసెంట్ గానే నిర్మాత దిల్ రాజు అవైటెడ్ టీజర్ ఈ అక్టోబర్ లోనే వస్తుంది అని కన్ఫర్మ్ చేశారు.
మరి ఈ అక్టోబర్ లోనే కానీ ఎప్పుడు అనే ప్రశ్నకి ఇప్పుడు సమాధానం దొరికేసింది. ఈ సినిమా టీజర్ ని ఈ దసరా కానుకగా అందించబోతున్నట్టుగా లేటెస్ట్ గా థమన్ క్లారిటీ ఇచ్చేసాడు. దీనితో గేమ్ ఛేంజర్ అవైటెడ్ టీజర్ దసరా కానుకగా రానుంది అని చెప్పాలి. ఇక ఈ భారీ సినిమాలో కియార అద్వానీ, అంజలి హీరోయిన్స్ గా నటిస్తుండగా ఈ డిసెంబర్ 20న సినిమా గ్రాండ్ గా రిలీజ్ కి తీసుకురాబోతున్నారు.
