నందమూరి బాలకృష్ణ హోస్ట్ చేస్తున్న ‘అన్‌స్టాపబుల్ 4’ టాక్ షో ఇటీవల స్టార్ట్ అయ్యింది. ఈ టాక్ షో తొలి ఎపిసోడ్‌కి ఏపీ సీఎం నారా చంద్రబాబు నాయుడు గెస్ట్‌గా హాజరయ్యారు. ఇక ఇప్పుడు రెండో ఎపిసోడ్‌కి సంబంధించిన ప్రోమోను మేకర్స్ రిలీజ్ చేశారు.
ఈ లేటెస్ట్ ఎపిసోడ్‌కి ‘లక్కీ భాస్కర్’ మూవీ టీమ్ గెస్టులుగా హాజరయ్యారు. దుల్కర్ సల్మాన్, వెంకీ అట్లూరి, మీనాక్షి చౌదరి, నాగవంశీ లతో బాలయ్య చేసిన సందడి మామూలుగా ఉండదంటూ ఓ ప్రోమోను కూడా రిలీజ్ చేశారు. ఈ ప్రోమోలో బాలయ్య తనదైన ఎనర్జీతో రెచ్చిపోయాడు. ఇక ‘లక్కీ భాస్కర్’ టీమ్‌తో బాలయ్య చేసిన సందడి నెక్స్ట్ లెవెల్‌లో ఉండబోతుందని ఈ ప్రోమో చూస్తే అర్థమవుతోంది.
మొత్తానికి తొలి ఎపిసోడ్‌ పొలిటికల్ లీడర్‌తో సాగగా బాలయ్య నుండి ఎక్కువ సందడిని చూడలేకపోయారు అభిమానులు. ఇప్పుడు రెండో ఎపిసోడ్‌తో సినిమా బాలయ్య మళ్లీ కనిపిస్తున్నాడని వారు ఫీల్ అవుతున్నారు. ఇక ఈ రెండో ఎపిసోడ్‌ను దీపావళి కానుకగా అక్టోబర్ 31న రాత్రి 7 గంటలకు ఆహాలో స్ట్రీమింగ్ చేయనున్నారు.
