టాలీవుడ్‌లో తెరకెక్కుతున్న ప్రెస్టీజియస్ సీక్వెల్ చిత్రాల్లో ‘జై హనుమాన్’ ప్రేక్షకుల్లో ఆసక్తిని క్రియేట్ చేసింది. ఈ సినిమాను దర్శకుడు ప్రశాంత్ వర్మ డైరెక్ట్ చేస్తుండటంతో ఈ చిత్రం బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు.
ఇక ఈ క్రేజీ సీక్వెల్‌కు సంబంధించిన ఫస్ట్ లుక్ పోస్టర్‌ను దీపావళి కానుకగా రిలీజ్ చేయడంతో ఈ సినిమాపై అంచనాలు మరింతగా పెరిగాయి. ఈ సినిమాలో కన్నడ హీరో రిషబ్ శెట్టి హనుమంతుడి పాత్రలో నటిస్తున్నాడు. కాగా, ఇప్పుడు తాజాగా ఈ సినిమాకు సంబంధించి మరో కొత్త ట్రీట్‌ను అందించారు. ఈ సినిమాకు సంబంధించిన థీమ్ సాంగ్‌ను మేకర్స్ రిలీజ్ చేశారు.
హనుమంతుడి పాత్రకు సంబంధించిన ఈ థీమ్ సాంగ్ ప్రేక్షకుల్లో భక్తి భావాన్ని పెంచేలా ఉంది. ఈ సినిమాను దర్శకుడు ప్రశాంత్ వర్మ తనదైన స్టయిల్‌లో మరోసారి బాక్సాఫీస్ షేక్ అయ్యేలా రూపొందించేందుకు సిద్ధమవుతున్నాడు. ఈ సినిమాను మైత్రీ మూవీ మేకర్స్ ప్రొడ్యూస్ చేస్తున్నారు.
