టాలీవుడ్‌లో తెరకెక్కుతున్న ప్రెస్టీజియస్ చిత్రాల్లో ‘కన్నప్ప’ కూడా ఒకటి. ఈ సినిమాలో మంచు విష్ణు హీరోగా నటిస్తుండగా, భారీ పాన్ ఇండియా స్టార్స్ ఈ సినిమాలో నటిస్తున్నారు. దర్శకుడు ముఖేష్ కుమార్ సింగ్ డైరెక్ట్ చేస్తుండగా, విష్ణు ఈ సినిమాను అత్యంత భారీ బడ్జెట్‌తో ప్రొడ్యూస్ చేస్తున్నాడు.
ఇక ఈ సినిమాను డిసెంబర్ నెలలో రిలీజ్ చేస్తామని గతంలోనే మేకర్స్ వెల్లడించారు. దాని మేరకే ఈ మూవీ నుండి ప్రతి సోమవారం ప్రమోషన్స్ చేస్తూ వచ్చారు. అయితే, గత నెలరోజులగా ఈ సినిమా నుండి ఎలాంటి ప్రమోషనల్ కంటెంట్ రావడం లేదు. దీంతో వీరు డిసెంబర్ రిలీజ్‌ను లైట్ తీసుకున్నారా అని సినీ సర్కిల్స్‌లో టాక్ వినిపిస్తోంది.
మంచు ఫ్యామిలీకి ఇది ప్రతిష్టాత్మకమైన సినిమా. ఈ చిత్రాన్ని ఎలాగైనా బ్లాక్‌బస్టర్ అయ్యేలా చేయాలని వారు చూస్తున్నారు. మరి ఇలాంటి సమయంలో ఈ సినిమా రిలీజ్‌ని ప్రకటించినా, ఇప్పుడు ఈ సినిమా కోసం ఎలాంటి చప్పుడు లేకపోవడం కొంతమేర ఆందోళన కలిగిస్తుందనే చెప్పాలి.
