మోహన్ లాల్ “లూసిఫర్ 2” రిలీజ్ డేట్ ఖరారు

మోలీవుడ్ మెగాస్టార్ మోహన్ లాల్ హీరోగా నటించిన పలు సెన్సేషనల్ హిట్స్ లో ప్రముఖ నటుడు అలాగే దర్శకుడు కూడా అయినటువంటి పృథ్వీ రాజ్ సుకుమారన్ తెరకెక్కించిన సాలిడ్ హిట్ సినిమా “లూసిఫర్” కూడా ఒకటి. కొన్నేళ్ల కితం వచ్చిన ఈ చిత్రం మళయాళ సినిమా దగ్గర రికార్డులు తిరగరాసింది. అయితే ఈ సినిమాని తెలుగులో అప్పట్లోనే డబ్ చేసి రిలీజ్ చేశారు.

కానీ మెగాస్టార్ చిరంజీవి ఈ సినిమాని “గాడ్ ఫాదర్” పేరిట రీమేక్ కూడా చేశారు. అయితే ఒరిజినల్ సినిమాకి పృథ్వీ రాజ్ సీక్వెల్ ని కూడా ప్రకటించాడు. మరి ఈ సినిమా ఫైనల్ గా ఎప్పుడు రిలీజ్ అనేది ఇప్పుడు రివీల్ అయ్యింది. ఒక ఇంట్రెస్టింగ్ పోస్టర్ తో ఈ చిత్రాన్ని వచ్చే ఏడాది మార్చ్ 27న రిలీజ్ చేస్తున్నట్టుగా అనౌన్స్ చేశారు. అది కూడా పాన్ ఇండియా లెవెల్లో ఈ సినిమా విడుదల కానున్నట్టుగా తెలిపారు. మరి పార్ట్ 2 అయితే “ఎంపురాన్” పేరిట విడుదల కాబోతుంది.