వరల్డ్ వైడ్ సాలిడ్ ఓపెనింగ్స్ అందుకున్న “లక్కీ భాస్కర్”

మోలీవుడ్ యంగ్ అండ్ టాలెంటెడ్ హీరో దుల్కర్ సల్మాన్ హీరోగా మీనాక్షి చౌదరి హీరోయిన్ గా దర్శకుడు వెంకీ అట్లూరి తెరకెక్కించిన సాలిడ్ పైసా ఎంటర్టైనర్ చిత్రం “లక్కీ భాస్కర్”. మరి ఈ దీపావళి కానుకగా రిలీజ్ కి వచ్చిన ఈ సినిమా పైడ్ ప్రీమియర్స్ తోనే సాలిడ్ టాక్ ని అందుకొని అదరగొట్టింది. ఇక అవి సహా డే 1 కి వరల్డ్ వైడ్ గా మంచి ఓపెనింగ్స్ నే సాధించినట్టుగా మేకర్స్ ఇప్పుడు కన్ఫర్మ్ చేశారు.

ఇలా వరల్డ్ వైడ్ గా లక్కీ భాస్కర్ సినిమా మొదటి రోజు 12.7 కోట్ల గ్రాస్ ని అందుకున్నట్టుగా మేకర్స్ రివీల్ చేశారు. దీనితో దుల్కర్ కెరీర్ లో ఇది మరో సాలిడ్ ఓపెనింగ్ అని చెప్పాలి. ఇక ఈ వీకెండ్ కి కూడా మరింత లెవెల్లో వసూళ్లు వచ్చే ఛాన్స్ ఉంది. ఇలా మొత్తంగా అయితే దుల్కర్ మరో హిట్ కొట్టేసినట్టే అని చెప్పొచ్చు. ఇక ఈ సినిమాకి జివి ప్రకాష్ కుమార్ సంగీతం అందించగా సితార ఎంటర్టైన్మెంట్స్, ఫార్చూన్ ఫోర్ సినిమాస్ నిర్మాణం వహించిన సంగతి తెలిసిందే.