పాన్ ఇండియా స్టార్ ప్రభాస్ స్టార్ లైనప్‌లో భారీ అంచనాలు ఉన్న సినిమా ‘స్పిరిట్’. సందీప్ రెడ్డి వంగా దర్శకత్వంలో వస్తున్న ఈ సినిమా మ్యూజిక్ వర్క్ స్టార్ట్ అయిన సంగతి తెలిసిందే. అయితే, మరోవైపు ఈ సినిమా కోసం భారీ సెట్స్ ను కూడా డిజైన్ చేస్తున్నట్లు తెలుస్తోంది. ప్రస్తుతం ఓ పోలీస్ స్టేషన్ కి సంబంధించిన సెట్ వేస్తున్నట్లు టాక్. ఐతే, ఈ వార్త పై ఇంకా అధికారికంగా అప్ డేట్ రావాల్సి ఉంది. అన్నట్టు ఈ సినిమా ఓ పవర్‌ ఫుల్ కాప్ స్టోరీగా రాబోతుంది.
కాగా ప్రభాస్ పాత్ర పోలీస్ అయినప్పటికీ, కథలో మలుపులు కారణంగా ప్రభాస్ పాత్ర గ్యాంగ్ స్టర్ గా మారుతుందని.. భారీ వైల్డ్ ఎలిమెంట్స్ సినిమాలో ఫుల్ గా ఉంటాయని తెలుస్తోంది. దాదాపు రూ.400 కోట్లకు పైగా బడ్జెట్‌ తో ఈ సినిమా తెరకెక్కనుంది. హర్షవర్ధన్ రామేశ్వర్ సంగీతం అందిస్తున్న ఈ చిత్రాన్ని టి-సిరీస్ మరియు భద్రకాళి పిక్చర్స్ భారీ స్థాయిలో నిర్మించనున్నాయి. మొత్తానికి సందీప్ రెడ్డి వంగా నుంచి మరో వినూత్న సినిమా రాబోతుందని తెలుస్తోంది.
