మళయాళ హీరో దుల్కర్ సల్మాన్ హీరోగా మీనాక్షి చౌదరి హీరోయిన్ గా దర్శకుడు వెంకీ అట్లూరి తెరకెక్కించిన “లక్కీ భాస్కర్”కి మంచి పాజిటివ్ టాక్ వచ్చింది. అటు ప్రేక్షకులతో పాటు ఇటు విమర్శకుల నుండి అద్భుతమైన ప్రశంసలను అందుకుంది ఈ సినిమా. కాగా బాక్సాఫీస్ వద్ద కూడా ఈ సినిమాకి సాలిడ్ కలెక్షన్స్ వస్తున్నాయి. దీపావళికి విడుదలైన లక్కీ భాస్కర్ మొదటి 3 రోజుల్లో విజయవంతంగా వసూళ్లు సాధించింది. ప్రపంచవ్యాప్తంగా బాక్సాఫీస్ వద్ద రూ.40 కోట్లు వసూలు చేసింది.
ఇక రానున్న రోజుల్లో వచ్చే కలెక్షన్లు సినిమా స్థాయిని తెలియజేస్తాయి. యూఎస్ బాక్స్ ఆఫీస్ వద్ద కూడా హాఫ్-మిలియన్-డాలర్ క్లబ్‌లోకి కూడా ఈ సినిమా ప్రవేశించింది. ఈ చిత్రానికి జీవీ ప్రకాష్ కుమార్ సంగీతం అందించగా సితార ఎంటర్టైన్మెంట్స్, ఫార్చూన్ ఫర్ సినిమాస్ వారు నిర్మాణం వహించిన సంగతి తెలిసిందే. మరి సోమవారం నుంచి ఈ సినిమాకి ఏ రేంజ్ కలెక్షన్స్ వస్తాయో చూడాలి. వచ్చే వారం రన్ ను బట్టి ఈ సినిమా ఏ రేంజ్ హిట్ అనేది తెలుస్తుంది.
