ఇపుడు పాన్ ఇండియా సినిమా దగ్గర భారీ హైప్ ఉన్న అవైటెడ్ పాన్ ఇండియా సినిమా ఏదన్నా ఉంది అంటే అది ఐకాన్ స్టార్ అల్లు అర్జున్ హీరోగా దర్శకుడు సుకుమార్ కాంబినేషన్ లో చేసిన భారీ సినిమా “పుష్ప 2 ది రూల్” అనే చెప్పాలి. కాగా ఈ సినిమా రికార్డు బిజినెస్ ని చేస్తుండగా ఇపుడు సినిమా దాదాపు పూర్తి అయ్యే స్టేజిలోకి వచ్చేసింది.
ఇంకా స్పెషల్ సాంగ్ బ్యాలన్స్ ఉండగా ఈ సినిమా నుంచి నెక్స్ట్ ఏ టీజర్ లాంటిది లేకుండా డైరెక్ట్ ట్రైలర్ మాత్రమే వస్తుంది అని ఆల్రెడీ కన్ఫర్మ్ అయ్యింది. అయితే ఈ ట్రైలర్ పై ఇపుడు ఇంట్రెస్టింగ్ న్యూస్ తెలుస్తుంది. ప్రస్తుతం ట్రైలర్ డబ్బింగ్ పనులు జరుగుతున్నట్టు తెలుస్తుంది.
ఇటీవలే అల్లు అర్జున్ కూడా ట్రైలర్ సహా సినిమా డబ్బింగ్ పనులు స్టార్ట్ చేసేసాడట. ఇందులో భాగంగానే ట్రైలర్ డబ్బింగ్ కూడా పూర్తి కానున్నట్టుగా తెలుస్తుంది. మరి ఈ ట్రైలర్ ని నవంబర్ మిడ్ లో విడుదల చేసే ఛాన్స్ ఉన్నట్టుగా రూమర్స్ వినిపిస్తున్నాయి. మరి ట్రైలర్ వచ్చాక పుష్ప 2 పై అంచనాలు ఎక్కడ వరకు వెళ్తాయో చూడాలి.
