లేటెస్ట్ గా మన టాలీవుడ్ సినిమా దగ్గర మంచి దీపావళి కానుకగా రిలీజ్ కి వచ్చిన సినిమాల్లో తెలుగు సహా తమిళ్ సినిమాలు కూడా ఉన్నాయి. తెలుగు నుంచి కిరణ్ అబ్బవరం నటించిన “క” దుల్కర్ సల్మాన్ నటించిన “లక్కీ భాస్కర్” సినిమాలు ఉంటే తమిళ్ నుంచి శివ కార్తికేయన్ నటించిన “అమరన్” ఉంది. అయితే ఈ మూడు సినిమాలు ఈ దీపావళి బరిలో తెలుగు బాక్సాఫీస్ దగ్గర సక్సెస్ అందుకున్నాయి.
అయితే నైజాంలో ఈ మూడు సినిమాలు కూడా బాగా పెర్ఫామ్ చేస్తుండడం విశేషం. నైజాంలో మూడో రోజు వసూళ్లు చూసినట్టు అయితే పి ఆర్ నంబర్స్ ప్రకారం “లక్కీ భాస్కర్” సాలిడ్ లీడ్ లో ఉంది. 1.3 కోట్ల షేర్ ని లక్కీ భాస్కర్ అందుకుంటే తర్వాత “అమరన్” 1 కోటి షేర్ ని అందుకుంది. అలాగే మంచి మౌత్ టాక్ ని సంతరించుకున్న “క” సినిమా 70 లక్షలకి పైగా షేర్ ని అందుకుంది. ఇలా మూడు సినిమాలు అదరగొట్టాయి. ఇక నాలుగో రోజు కూడా ఆదివారం కావడంతో ఇదే రీతిలో నమోదు అయ్యే ఛాన్స్ ఉంది.
