ప్రభాస్ ‘ది రాజా సాబ్’తో పాటు హను రాఘవపూడి దర్శకత్వం వహిస్తున్న చిత్రంలోనూ నటిస్తున్నాడు. అలాగే, సందీప్ రెడ్డి వంగా సినిమాను కూడా చేస్తున్నాడు. హై ఓల్టేజ్ యాక్షన్‌తో రూపొందనున్న ఈ చిత్రానికి ‘స్పిరిట్’ అనే టైటిల్ పెట్టారు. ఐతే, ఈ మూవీలో నయనతార హీరోయిన్‌గా నటిస్తుందని గతంలో వార్తలు వచ్చాయి. తాజాగా ఈ న్యూస్ నిజమే అంటూ మళ్లీ ఈ రూమర్ వైరల్ అవుతుంది. ఇప్పటికే ఈ సినిమాకి సంబంధించిన స్క్రిప్ట్ ని కూడా దర్శకుడు నయనతారకు వినిపించాడట.
మరి నయనతార ఈ సినిమాలో ప్రభాస్ సరసన కనిపిస్తే సినిమా పై బజ్ మరింతగా పెరుగుతుంది. గతంలో 2007లో ప్రభాస్, నయనతార ‘యోగి’ మూవీలో జంటగా కనిపించారు. ఇప్పుడు ‘స్పిరిట్’లో కలిసి నటిస్తే.. 17 ఏళ్ల తర్వాత మళ్లీ కలిసి నటించినట్టు అవుతుంది. హర్షవర్ధన్ రామేశ్వర్ సంగీతం అందిస్తున్న ఈ చిత్రాన్ని టి-సిరీస్ మరియు భద్రకాళి పిక్చర్స్ భారీ స్థాయిలో నిర్మించనున్నాయి. మొత్తానికి సందీప్ రెడ్డి వంగా నుంచి మరో వినూత్న సినిమా రాబోతుందని తెలుస్తోంది.
