దుల్కర్ సల్మాన్ నటించిన లేటెస్ట్ మూవీ ‘లక్కీ భాస్కర్’ బాక్సాఫీస్ దగ్గర మంచి టాక్‌తో దూసుకుపోతుంది. ఈ సినిమాను దర్శకుడు వెంకీ అట్లూరి డైరెక్ట్ చేయగా ప్రేక్షకులను ఆకట్టుకోవడంలో ఇది సక్సెస్ అయ్యింది. ఇక ఈ సినిమాను చూసేందుకు ప్రేక్షకులు ఆసక్తిని చూపుతున్నారు.
దీపావళి బరిలో మరికొన్ని సినిమాలతో పాటుగా రిలీజ్ అయిన ఈ సినిమా కలెక్షన్స్ పరంగా కూడా మంచి వసూళ్లను రాబడుతోంది. 4 రోజుల్లో ఈ సినిమా వరల్డ్‌వైడ్‌గా ఏకంగా రూ.55.4 కోట్ల గ్రాస్ వసూళ్లు రాబట్టింది. దుల్కర్ సల్మాన్ సాలిడ్ పర్ఫార్మెన్స్‌తో ఈ సినిమా బాక్సాఫీస్ దగ్గర దూసుకెళ్తోంది.
ఇక అందాల భామ మీనాక్షి చౌదరి హీరోయిన్‌గా నటించిన ఈ సినిమాకు జీవి.ప్రకాశ్ కుమార్ సంగీతం అందించాడు. సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ బ్యానర్లపై నాగవంశీ, సాయి సౌజన్య ఈ చిత్రాన్ని ప్రొడ్యూస్ చేశారు.
