అవైటెడ్ “గేమ్ ఛేంజర్” టీజర్ గ్రాండ్ లాంఛ్ వేదిక ఖరారు!

గ్లోబల్ స్టార్ రామ్ చరణ్ హీరోగా కియారా అద్వానీ అలాగే అంజలి హీరోయిన్ గా మావెరిక్ దర్శకుడు శంకర్ తెరకెక్కించిన అవైటెడ్ భారీ సినిమా “గేమ్ ఛేంజర్” కోసం అందరికీ తెలిసిందే. మరి ఎన్నో అంచనాలు సెట్ చేసుకున్న ఈ సినిమా టీజర్ పట్ల ఎప్పుడు నుంచో మంచి ఆసక్తి ఉంది. అయితే దీనిని మేకర్స్ ఈ నవంబర్ 9న రిలీజ్ చేస్తున్నట్టుగా అనౌన్స్ కూడా చేసేసారు. ఇక ఫైనల్ గా ఈ డేట్ కోసం అంతా ఆసక్తిగా ఎదురు చూస్తున్నారు.

అయితే ఈ టీజర్ లాంఛ్ కి కూడా మేకర్స్ గ్రాండ్ ప్లానింగ్స్ చేస్తున్నట్టుగా టాక్ ఊపందుకుంది. అందులో భాగం గానే ఈ 9న లక్నోలో ఈవెంట్ పెట్టి టీజర్ ని రిలీజ్ చేస్తున్నట్టుగా స్ట్రాంగ్ రూమర్స్ మొదలు కాగా ఫైనల్ గా మేకర్స్ దీనిని అఫీషియల్ గా చెప్పేసారు. దీనితో ఈ 9న గేమ్ ఛేంజర్ టీజర్ లక్నో నుంచి రానుంది అని చెప్పాలి. ఇక ఈ చిత్రానికి థమన్ సంగీతం అందించగా దిల్ రాజు నిర్మాణం వహించారు. అలాగే రానున్న జనవరి 10న సినిమా రిలీజ్ కి రాబోతుంది.