మెగా ప్రిన్స్ వరుణ్ తేజ్ నటిస్తున్న లేటెస్ట్ మూవీ ‘మట్కా’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది. ఈ సినిమాను నవంబర్ 14న గ్రాండ్ రిలీజ్‌కి రెడీ చేశారు. దర్శకుడు కరుణ్ కుమార్ ఈ సినిమాన అత్యంత ప్రతిష్టాత్మకంగా పీరియాడిక్ యాక్షన్ డ్రామాగా తెరకెక్కించాడు. ఈ సినిమా పోస్టర్స్, టీజర్, ట్రైలర్లు ప్రేక్షకుల్లో సాలిడ్ అంచనాలను క్రియేట్ చేశాయి.
ఇక ఈ సినిమాలో వరుణ్ తేజ్ పలు వైవిధ్యమైన గెటప్స్‌లో కనిపిస్తుండటంతో ఈ సినిమాను ఎప్పుడెప్పుడు చూద్దామా అని అభిమానులు ఆసక్తిగా చూస్తున్నారు. తాజాగా ఈ సినిమా నుండి రామా టాకీస్ అనే ర్యాంప్ సాంగ్‌ని మేకర్స్ రిలీజ్ చేశారు. ఈ పాట పూర్తి గోదావరి యాసలో ఉండటం.. ఆ ప్రాంతంలోని ఫోక్ సాంగ్‌గా ఇది ప్రేక్షకులను ఇన్‌స్టంట్‌గా ఆకట్టునేలా ఉంది. కరుణ కుమార్ అందించిన లిరిక్స్‌కి భవానీ రాకేష్ ఆకట్టుకునే సంగీతం అందించారు.
‘మట్కా’ సినిమాలో వరుణ్ తేజ్ సరసన మీనాక్షి చౌదరి, నోరా ఫతేహి ఫీమేల్ లీడ్స్‌లో నటిస్తున్నారు. నవీన్ చంద్ర, కన్నడ కిషోర్, అజయ్ ఘోష్, రూపలక్ష్మీ తదితరులు ఇతర ముఖ్య పాత్రల్లో నటిస్తున్న ఈ సినిమాకు జీవి.ప్రకాశ్ కుమార్ సంగీతం అందిస్తున్నాడు. వైరా ఎంటర్‌టైన్‌మెంట్స్, ఎస్ఆర్‌టి ఎంటర్‌టైన్‌మెంట్ బ్యానర్లు ఈ సినిమాను సంయుక్తంగా ప్రొడ్యూస్ చేస్తున్నాయి.
