టాలీవుడ్ క్వీన్ అనుష్క శెట్టి నటిస్తున్న లేటెస్ట్ మూవీ ‘ఘాటి’ ఇప్పటికే ప్రేక్షకుల్లో సాలిడ్ అంచనాలను క్రియేట్ చేసింది. నేడు(నవంబర్ 7) అనుష్క శెట్టి బర్త్‌డే సందర్భంగా ఈ సినిమా నుండి వరుస అప్డేట్స్ ఇస్తున్నారు మేకర్స్. ఇప్పటికే ఈ చిత్రానికి సంబంధించిన ఫస్ట్ లుక్ పోస్టర్‌ను రిలీజ్ చేయగా, ఎవరూ ఊహించని విధంగా ఇంటెన్స్ లుక్‌తో అనుష్క అందరినీ సర్‌ప్రైజ్ చేసింది. ఇక తాజాగా ఈ సినిమా నుండి వీడియో గ్లింప్స్‌ని మేకర్స్ రిలీజ్ చేశారు.
పూర్తి రా అండ్ థ్రిల్లింగ్ గ్లింప్స్‌గా ఘాటి వీడియో గ్లింప్స్‌ను మేకర్స్ కట్ చేశారు. అనుష్క శెట్టి మరోసారి తన యాక్టింగ్‌తో అందరినీ ఆకట్టుకోవడం ఖాయమని ఈ వీడియో గ్లింప్స్ చూస్తే అర్థమవుతోంది. ఎలాంటి డైలాగ్ లేకుండా కేవలం తన కళ్లతోనే ప్రేక్షకులను ఆకట్టుకుంది స్వీటి. ఇక ఈ సినిమాలో ఆమె ప్యూర్ విలేజ్ పాత్రలో నటిస్తున్నట్లు ఆమె లుక్స్ చూస్తుంటే అర్థమవుతోంది. అంతేగక, ఆమె ఓ వ్యక్తి పీకకోసి చంపుతున్న సీన్‌తో ఆమె ఈ సినిమాలో ఎలాంటి రగడ్ పాత్రలో నటిస్తుందో మనకు చెబుతోంది.
ఇక ఈ సినిమాను దర్శకుడు క్రిష్ జాగర్లమూడి తనదైన మార్క్‌తో తెరకెక్కించారు. ఈ సినిమాకు నాగవెల్లి విద్యా సాగర్ సంగీతం అందించగా, ఫస్ట్ ప్రేమ్ ఎంటర్‌టైన్‌మెంట్ బ్యానర్ ఈ చిత్రాన్ని ప్రొడ్యూస్ చేస్తోంది. పాన్ ఇండియా మూవీగా ‘ఘాటి’ చిత్రాన్ని మనముందుకు తీసుకువస్తున్నట్లు మేకర్స్ తెలిపారు.
