“సలార్” ప్రొడక్షన్ హౌస్ తో ఇండియాస్ బిగ్గెస్ట్ స్టార్ మూడు ప్రాజెక్ట్స్.. దర్శకులు వీరేనా

పాన్ ఇండియా సినిమా దగ్గర బిగ్గెస్ట్ స్టార్ ప్రభాస్ హీరోగా ఇప్పుడు ఆల్రెడీ సెన్సేషనల్ లైనప్ ని సెట్ చేసుకున్న సంగతి తెలిసిందే. మరి ఈ సినిమాలు కాకుండా మరిన్ని భారీ సినిమాలు తన నుంచి రానుండగా రీసెంట్ గానే పలు క్రేజీ రూమర్స్ కూడా వినిపించాయి.

అయితే ఇపుడు తన లైనప్ పై ఊహించని అప్డేట్ ఇపుడు వచ్చింది. ప్రభాస్ కెరీర్ లో చేసిన భారీ మాస్ యాక్షన్ డ్రామా “సలార్” చేసిన నిర్మాణ సంస్థ హోంబలే ఫిలిమ్స్ బిగ్ అప్డేట్ అందించారు. మరి ఈ సంస్థ నుంచి ఏకంగా మూడు సినిమాలకి ప్రభాస్ ని లాక్ చేసేసుకున్నట్టు మాసివ్ అనౌన్స్మెంట్ అందించారు.

మరి రానున్న 2026, 2027, 2028 ఇలా మూడేళ్లు కూడా మూడు సినిమాలతో లాక్ చేసేసుకున్నారు. అయితే ఈ అన్ని సినిమాల్లో ఆల్రెడీ ఒకటి దర్శకుడు ప్రశాంత్ నీల్ తో సలార్ 2 కన్ఫర్మ్ తెలిసిందే. ఇక ఇవి కాకుండా మిగతా రెండు ప్రాజెక్టులు ఇటీవల బజ్ వినిపించిన దర్శకులు ప్రశాంత్ వర్మ అలాగే లోకేష్ కనగరాజ్ లతో చేయనున్నట్టు తెలుస్తుంది. మొత్తానికి అయితే ఈ భారీ నిర్మాణ సంస్థతో ప్రభాస్ ఊహించని ఎంటర్టైన్మెంట్ ఇవ్వబోతున్నాడు అని చెప్పాలి.