గాడ్ ఆఫ్ మాసెస్ నందమూరి బాలకృష్ణ నటిస్తున్న లేటెస్ట్ మూవీ ‘NBK109’ కోసం ప్రేక్షకులు ఏ రేంజ్‌లో వెయిట్ చేస్తున్నారో అందరికీ తెలిసిందే. ఈ సినిమాను దర్శకుడు బాబీ డైరెక్ట్ చేస్తుండటంతో ఈ సినిమా ఎలా ఉండబోతుందా అనే అంచనాలు పీక్స్‌కి చేరుకున్నాయి. ఇక ఈ సినిమా నుండి తాజాగా సాలిడ్ అప్డేట్ ఇచ్చారు మేకర్స్.
NBK109 చిత్రానికి సంబంధించిన టైటిల్, టీజర్‌ను రివీల్ చేసేందుకు మేకర్స్ డేట్ అండ్ టైమ్ ఫిక్స్ చేశారు. ఈ సినిమా టైటిల్‌తో పాటు టీజర్‌ను నవంబర్ 15న ఉదయం 10.24 గంటలకు రిలీజ్ చేస్తున్నట్లు మేకర్స్ వెల్లడించారు. ఓ సాలిడ్ పోస్టర్‌తో వారు ఈ అనౌన్స్‌మెంట్ ఇచ్చారు. దీంతో నందమూరి అభిమానులు సంతోషం వ్యక్తం చేస్తున్నారు.
రికార్డులను తిరగరాయడానికి బాలయ్య రెడీ అవుతున్నాడంటూ వారు సోషల్ మీడియాలో కామెంట్స్ చేస్తున్నారు. ఇక ఈ సినిమాలో బాలయ్య పాత్ర చాలా పవర్‌ఫుల్‌గా ఉంటుందని ఇప్పటికే రిలీజ్ అయిన గ్లింప్స్ చూస్తే అర్థమవుతోంది. ఈ సినిమాలో ప్రగ్యా జైస్వాల్, శ్రద్ధా శ్రీనాథ్, చాందిని చౌదరి ఇతర ముఖ్య పాత్రల్లో నటిస్తున్నారు. ఈ సినిమాకు థమన్ సంగీతం అందిస్తుండగా నాగవంశీ, సాయి సౌజన్య సంయుక్తంగా ప్రొడ్యూస్ చేస్తున్నారు. సంక్రాంతి కానుకగా ఈ చిత్రాన్ని రిలీజ్ చేసేందుకు మేకర్స్ రెడీ అయ్యారు.
