హీరో నితిన్ కెరీర్‌లో ఔట్ అండ్ ఔట్ రొమాంటిక్ ఎంటర్‌టైనర్‌గా తెరకెక్కిన మూవీ ‘ఇష్క్’. ఈ సినిమాను దర్శకుడు విక్రమ్ కె కుమార్ డైరెక్ట్ చేయగా నిత్యా మీనన్ హీరోయిన్‌గా నటించింది. ఈ సినిమా 2012లో రిలీజ్ అయ్యి బాక్సాఫీస్ దగ్గర బ్లాక్‌బస్టర్ హిట్‌గా నిలిచింది. ముఖ్యంగా ఈ సినిమాలోని పాటలు అప్పట్లో సెన్సేషన్ క్రియేట్ చేశాయి.
ఇక ఇప్పుడు ఈ సినిమా రీ-రిలీజ్‌కు రెడీ అయ్యింది. ఇష్క్ చిత్రం ఎవర్‌గ్రీన్ క్లాసిక్ రొమాంటిక్ చిత్రమని.. ఇది నేటి ఆడియెన్స్‌కి కూడా బాగా నచ్చుతుందని మేకర్స్ ధీమా వ్యక్తం చేస్తున్నారు. దీంతో ఈ సినిమాను గ్రాండ్ రీ-రిలీజ్‌కు ప్లాన్ చేశారు. నవంబర్ 30న ఈ సినిమాను ప్రేక్షకుల ముందుకు మరోసారి తీసుకొస్తున్నారు. ఇక నైజాంలో ఈ చిత్రాన్ని దిల్ రాజు బ్యానర్ శ్రీ వెంకటేశ్వర క్రియేషన్స్ రీ-రిలీజ్ చేస్తుండటం విశేషం.
నితిన్, నిత్యా మీనన్‌ల రొమాంటిక్ ట్రాక్ ఈ సినిమాను యూత్‌కి బాగా కనెక్ట్ అయ్యేలా చేసింది. అనూప్ రూబెన్స్ సంగీతం ఈ చిత్రాన్ని నెక్స్ట్ లెవెల్‌కి తీసుకెళ్లింది. మరి ఇప్పుడు రీ-రిలీజ్‌లో ఈ మూవీకి ఎలాంటి రెస్పాన్స్ లభిస్తుందో చూడాలి.
