ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా దర్శకుడు సుకుమార్ తెరకెక్కిస్తున్న భారీ పాన్ ఇండియా చిత్రం “పుష్ప 2 ది రూల్” కోసం అందరికీ తెలిసిందే. మరి ఈ చిత్రం కోసం పాన్ ఇండియా ఆడియెన్స్ ఆసక్తిగా ఎదురు చూస్తుండగా మేకర్స్ ఒకో పనిని ఇపుడు పూర్తికి చేస్తూ వెళుతున్నారు.
ఇక రీసెంట్ గానే ఈ సినిమాకి బ్యాక్గ్రౌండ్ స్కోర్ పనులు కోసం థమన్ ఎస్ రంగంలోకి దిగబోతున్నాడు అని వచ్చిన వార్తలపై థమన్ కూడా కన్ఫర్మ్ చేసాడు. అయితే లేటెస్ట్ గా దీనిపై థమన్ మరో స్టేట్మెంట్ ని ఇచ్చాడు. తాను పుష్ప 2 లో కేవలం చిన్న భాగం మాత్రమే అని సినిమా మొత్తానికి నేను పని చెయ్యలేదు అంటూ కామెంట్స్ చేసాడు. దీనితో దేవిశ్రీ ప్రసాద్ ఉన్నప్పటికీ తనని తీసుకోవడంపై వచ్చిన కామెంట్స్ కి ఇది వివరణలా అనిపిస్తుంది అని చెప్పాలి. మరి ఈ అవైటెడ్ సీక్వెల్ కి ఎలాంటి స్కోర్ ని థమన్ అందిస్తాడో చూడాలి.
