అక్కినేని నాగచైతన్య, సాయి పల్లవి హీరోహీరోయిన్లుగా నటిస్తున్న లేటెస్ట్ మూవీ ‘తండేల్’ కోసం అభిమానులు చాలా ఆసక్తిగా ఎదురుచూస్తున్నారు. ఈ సినిమాను దర్శకుడు చందు మొండేటి డైరెక్ట్ చేస్తుండగా పూర్తి రొమాంటిక్ యాక్షన్ ఎంటర్‌టైనర్‌గా ఈ మూవీ ప్రేక్షకులను అలరించేందుకు సిద్ధమవుతోంది. ఇక ఈ సినిమాను ఫిబ్రవరి 7న గ్రాండ్ రిలీజ్ చేయనున్నట్లు ఇటీవల మేకర్స్ అధికారికంగా ప్రకటించారు.
దీంతో ఈ సినిమా నుండి అప్డేట్స్ ఇవ్వాలని అభిమానులు రిక్వెస్ట్ చేస్తున్నారు. వారి కోరిక మేరకు ‘తండేల్’ మేకర్స్ తాజాగా సాలిడ్ అప్డేట్ ఇచ్చారు. ఈ సినిమాలోని ఫస్ట్ సింగిల్ సాంగ్ ‘బుజ్జి తల్లి’ని నవంబర్ నెలలో రిలీజ్ చేస్తున్నట్లు వారు ప్రకటించారు. ఈ నెలలో మరో 15 రోజులు మాత్రమే మిగిలి ఉండటంతో, ఈ సాంగ్ మరో రెండు వారాల్లో ఎప్పుడైనా రావచ్చని అభిమానులు సంతోషం వ్యక్తం చేస్తున్నారు.
ఇక ఈ సినిమాకు దేవిశ్రీ ప్రసాద్ సంగీతం అందిస్తుండగా బన్నీ వాస్ ప్రొడ్యూస్ చేస్తున్నారు. అల్లు అరవింద్ ఈ చిత్రానికి సమర్పకులు గా వ్యవహరిస్తున్నారు.
