పవర్ స్టార్ పవన్ కళ్యాణ్ కెరీర్ లో చాలా మంది సంగీత దర్శకులతో వర్క్ చేసి ఉండొచ్చు కానీ తన కల్ట్ ఫ్యాన్స్ కి మాత్రమే తెలుసు పవన్ సినిమాల్లో సంగీత దర్శకుడు రమణ గోగుల కాంబినేషన్ అంటే ఏంటి అనేది. తన కెరీర్ స్టార్టింగ్ లో వచ్చిన సినిమాల్లో పవన్ కి పర్ఫెక్ట్ గా సింక్ అయ్యిపోయే గొంతుతో స్టైలిష్ అండ్ సాలిడ్ బీట్స్ తో రమణ గోగుల ఇచ్చిన ట్రీట్ ఇప్పటికీ రిఫ్రెషింగ్ గా అనిపిస్తుంది.
అయితే “అన్నవరం” వరకు సాగిన పవన్, రమణ గోగుల జర్నీ ఆ తర్వాత మళ్ళీ సెట్ కాలేదు. మరి అట్లీస్ట్ ఒక్క సాంగ్ అయినా కూడా ఇద్దరి కాంబినేషన్ లో ఇపుడు పడితే బాగుంటుంది అని చాలా మంది అనుకుంటున్నారు. మరి దీనిపై బ్లాస్ట్ కి ఇపుడు ఫ్యాన్స్ సిద్ధం కావాల్సిందే అని చెప్పాలి. ఇపుడు పవన్ చేస్తున్న అవైటెడ్ భారీ సినిమా “ఓజి” కోసం థమన్ మ్యాడ్ ప్లానింగ్స్ చేస్తున్నాడు.
రీసెంట్ గానే ఓజి కోసం రమణ గోగుల గారితో సాంగ్ పాడించాలని ట్రై చేస్తున్నట్టుగా రివీల్ చేసాడు. మరి ఇది కానీ నిజం అయితే మ్యూజిక్ లవర్స్ కి పవన్ ఫ్యాన్స్ కి పెద్ద పండుగే అని చెప్పి తీరాలి. ఇక దీనితో పాటుగా పవన్ వారసుడు అకిరా ప్రెజెన్స్ కూడా ఈ సినిమాలో ఉంటుంది అని తెలిపాడు. అయితే అకిరా నటుడుగా కాకుండా పియానో ట్యూన్ వర్క్ అందిస్తాడని తెలిపాడు. దీనితో ఓజి మాత్రం ఇపుడు మరింత స్పెషల్ గా మారిపోయింది అని చెప్పాలి.
