నార్త్ లో కూడా “ఓజి” మ్యానియా..!

పవర్ స్టార్ పవన్ కళ్యాణ్ హీరోగా ఇప్పుడు పలు భారీ సినిమాలు చేస్తున్న సంగతి అందరికీ తెలిసిందే. అలాగే దీంతో పాటుగా తను ఉప ముఖ్యమంత్రి హోదాలో ఆంధ్ర రాష్ట్రానికి కూడా తన సేవలు అందిస్తున్నారు. అయితే తన సినిమాల్లో యంగ్ దర్శకుడు సుజిత్ తో చేస్తున్న సాలిడ్ యాక్షన్ ఎంటర్టైనర్ సినిమా “ఓజి” పై మన దగ్గర ఎంత హైప్ ఉందో అందరికీ తెలిసిందే.

కానీ ఇపుడు ఇది నార్త్ లో కూడా ఓ రేంజ్ వినిపించడం వైరల్ గా మారింది. పవన్ నేడు మహారాష్ట్రలో ఓ మీటింగ్ నిమిత్తం వెళ్లగా అక్కడ స్పీచ్ లో కూడా ఆడియెన్స్ నుంచి ఓజి నినాదాలు వినిపించాయి. దీనితో అక్కడ కూడా ఓజి మ్యాడ్నెస్ ఎలా ఉందో మనం అర్ధం చేసుకోవచ్చు. ఆల్రెడీ ఈ సినిమాని పాన్ ఇండియా భాషల్లో విడుదల చేస్తున్న సంగతి తెలిసిందే. దీనితో నార్త్ లో కూడా ఓజి హైప్ బాగానే ఉందని చెప్పాలి. ఈ మ్యానియా చూసి మేకర్స్ కూడా ఫన్ పోస్ట్ లు సోషల్ మీడియాలో వేస్తున్నారు.