యూనిక్ స్టార్‌గా మారిన నిఖిల్

యంగ్ హీరో నిఖిల్ సిద్ధార్థ్ నటించిన రీసెంట్ మూవీ ‘అప్పుడో ఇప్పుడో ఎప్పుడో’ రీసెంట్‌గా రిలీజ్ అయ్యి బాక్సాఫీస్ దగ్గర డిజాస్టర్‌గా నిలిచింది. ఈ సినిమా ఫలితంతో సంబంధం లేకుండా తన నెక్స్ట్ చిత్రాలపై ఫోకస్ పెట్టాడు. ఇక నిఖిల్ నటిస్తున్న లేటెస్ట్ ప్రెస్టీజియస్ మూవీ ‘స్వయంభూ’ ప్రస్తుతం శరవేగంగా షూటింగ్ జరుపుకుంటోంది.

ఈ సినిమాను పాన్ ఇండియా స్థాయిలో మేకర్స్ తెరకెక్కిస్తున్నారు. అయితే, టాలీవుడ్‌లో స్టార్ హీరోలకు ట్యాగ్‌లు ఉండటం కామన్. కానీ, ఈ మధ్య యంగ్ హీరోలు కూడా తమ పేరు ముందు ఓ స్టార్ ట్యాగ్ వేసుకుంటున్నారు. తాజాగా ఇదే కోవలో నిఖిల్ సిద్ధార్థ్ కూడా తన పేరు ముందు ఓ ట్యాగ్ వేసుకున్నాడు.

ఇకపై తనను ‘యూనిక్ స్టార్’గా పిలవచ్చని నిఖిల్ తన సోషల్ మీడియా అకౌంట్‌లో పోస్ట్ చేశాడు. దీంతో అభిమానులు ఆయనకు పర్ఫెక్ట్ స్టార్ ట్యాగ్ ఇదే అని భావిస్తున్నారు.