బాలయ్యతో పుష్పరాజ్ రెండో ఎపిసోడ్ డేట్.. సర్ప్రైజ్ చేసిన అర్హ

నందమూరి నట సింహం నందమూరి బాలకృష్ణ హీరోగా ఇప్పుడు సాలిడ్ ప్రాజెక్ట్ “డాకు మహారాజ్” చేస్తున్న సంగతి తెలిసిందే. మరి ఈ సినిమా కోసం అభిమానుల్లో ఓ రేంజ్ లో హైప్ నెలకొనగా ఈ చిత్రం సహా బాలయ్య ఓటిటిలో కూడా తన సాలిడ్ ఎంటర్టైనింగ్ షో “అన్ స్టాప్పబుల్” సీజన్ 4 ని ఆహా లో చేస్తున్న సంగతి తెలిసిందే. మరి ఇందులో లేటెస్ట్ గా ఐకాన్ స్టార్ అల్లు అర్జున్ తో ఓ క్రేజీ ఎపిసోడ్ ని కూడా మేకర్స్ ప్లాన్ చేశారు.

అయితే ఈ ఎపిసోడ్ ని మొత్తం రెండు భాగాలుగా ప్లాన్ చేయగా ఇపుడు ఈ ఎపిసోడ్ తాలూకా డేట్ ని ఆహా వారు ఇచ్చేసారు. ఈ ఎపిసోడ్ ని ఈ నవంబర్ 22న స్ట్రీమింగ్ కి తీసుకొస్తున్నారు. దీనిపై ప్రోమోను కూడా ఇపుడు వదలగా ఈ ప్రోమో కూడా అదిరిపోయింది అని చెప్పాలి. అయితే ఈ ఎపిసోడ్ లో తన ఇద్దరు పిల్లలు అయాన్, అర్హలు హాజరయ్యారు.

మరి ఇందులో అల్లు అర్హ మాత్రం అందరికీ షాకిచ్చింది చెప్పాల్సిందే. అచ్చ తెలుగులో గుక్క తిప్పుకోకుండా చెప్పిన పద్యం వింటే ఆ విజువల్ అలా చూస్తూనే ఉండిపోవచ్చు. దీనికి బాలయ్య కూడా ఒకింత సర్ప్రైజ్ అయ్యి అర్హకి కొనియాడారు. ఇక ఇది కాకుండా పుష్ప 2 కోసం పలు ఇంట్రెస్టింగ్ అంశాలు అలాగే బన్నీ అల్లు అయాన్ పై మంచి ఫన్నీ మూమెంట్స్ తో సాలిడ్ ఎంటర్టైనింగ్ గా ఈ ప్రోమో ఉందని చెప్పాలి. ఇక ఈ 22న వచ్చే ఎపిసోడ్ ఎలా ఉంటుందో చూడాల్సిందే.