బాలయ్య, వెంకీ మామ క్లాష్ పై యంగ్ ప్రొడ్యూసర్ పోస్ట్ వైరల్

రానున్న సంక్రాంతి బరిలో ఆల్రెడి పలు చిత్రాలు మన టాలీవుడ్ నుంచి సిద్ధంగా ఉన్న సంగతి తెలిసిందే. అలాగే ఈ చిత్రాల్లో మన సీనియర్ హీరోస్ నందమూరి నటసింహం బాలయ్య అలాగే విక్టరీ వెంకటేష్ వెంకీ మామ కూడా ఉన్నారు. మరి వీరి నుంచి “డాకు మహారాజ్”, “సంక్రాంతికి వస్తున్నాం” అనే సినిమాలు వస్తుండగా రెండు సినిమాలు కూడా శరవేగంగా పనులు పూర్తి చేసుకుంటున్నాయి.

అయితే ఈ రెండు సినిమాలు రెండు డిఫరెంట్ బ్యానర్స్ నుంచి వస్తుండగా బాలయ్య సినిమాని యువ నిర్మాత నాగవంశీ తెరకెక్కిస్తుండగా వెంకీ మామ సినిమాని దిల్ రాజు నిర్మిస్తున్నారు. మరి దిల్ రాజు అండ్ వెంకీ మామకి నాగ వంశీ పెట్టిన పోస్ట్ ఇపుడు వైరల్ గా మారింది. సంక్రాంతికి వస్తున్నాం సినిమాకి తమ బెస్ట్ విషెస్ తెలుపుతున్నాను అని అలాగే లాస్ట్ టైం రెండు క్లాష్ లు చూసాం ఇపుడు హ్యాట్రిక్ కొడదాం అన్నట్టుగా క్రేజీ పోస్ట్ ని సూర్య దేవర నాగవంశీ పెట్టాడు దీనితో ఈ ఇంట్రెస్టింగ్ క్లాష్ విషయంలో నిర్మాతల నుంచి ఇలాంటి స్పిరిట్ తో కూడిన పోస్ట్ లు పడితే ఇలాంటి క్లాష్ ల సమయంలో రిలీజ్ లు సజావుగా ఉంటాయని చెప్పొచ్చు.