ఐకాన్ స్టార్ అల్లు అర్జున్ ప్రెస్టీజియస్ మూవీ ‘పుష్ప-2’ ప్రస్తుతం టాక్ ఆఫ్ ది నేషన్‌గా మారింది. ఈ సినిమాను దర్శకుడు సుకుమార్ డైరెక్ట్ చేస్తుండగా అల్లు అర్జున్ మరోసారి బాక్సాఫీస్ రికార్డులను బద్దలు కొట్టడం ఖాయమని చిత్ర యూనిట్ ధీమా వ్యక్తం చేస్తోంది. దానికి తగ్గట్టుగానే ఈ చిత్ర ట్రైలర్ కట్ కూడా ఉండటంతో ఈ మూవీ కోసం నేషన్‌వైడ్‌గా అభిమానులు ఎంతో ఆసక్తిగా చూస్తున్నారు.
ఇక ఈ సినిమాలో ఎంతో ఆసక్తిని క్రియేట్ చేసిన స్పెషల్ ఐటెం సాంగ్‌లో యంగ్ బ్యూటీ శ్రీలీల డ్యాన్స్ చేస్తుండటంతో ఈ పాట కోసం ప్రేక్షకులు ఎంతో ఆతృతగా చూస్తున్నారు. అయితే, ఈ సాంగ్‌ని మేకర్స్ ఎప్పుడెప్పుడు రిలీజ్ చేస్తారా అని అందరూ ఎదురుచూస్తున్నారు. కాగా, ‘కిసిక్’ అనే ఈ స్పెషల్ సాంగ్‌ను నవంబర్ 24న సాయంత్రం 7.02 గంటలకు రిలీజ్ చేసేందుకు చిత్ర యూనిట్ రెడీ అయ్యినట్లు తాజాగా ఓ స్పెషల్ పోస్టర్ ద్వారా అనౌన్స్ చేశారు.
ఈ పోస్టర్‌లో బన్నీ కాలిపై బెండ్ అవుతూ శ్రీలీల పెట్టిన పోజు అదిరిందని అభిమానులు అంటున్నారు. ఇక దేవిశ్రీ ప్రసాద్ ఈ పాటకు అందించిన ట్యూన్ డ్యాన్స్ ఫ్లోర్‌లపై నిప్పులు పుట్టించడం ఖాయమని చిత్ర యూనిట్ కాన్ఫిడెంట్‌గా చెబుతున్నారు. ఈ పాట అనౌన్స్‌మెంట్‌తో అభిమానుల్లో పుష్ప-2 పై ఆసక్తి రెట్టింపు అయ్యింది. ఇక ఈ చిత్రాన్ని వరల్డ్‌వైడ్‌గా డిసెంబర్ 5న గ్రాండ్ రిలీజ్ చేసేందుకు చిత్ర యూనిట్ సిద్ధమవుతోంది.
