అక్కినేని నాగచైతన్య నటిస్తున్న లేటెస్ట్ మూవీ ‘తండేల్’ కోసం ప్రేక్షకులు ఏ రేంజ్‌లో వెయిట్ చేస్తున్నారో అందరికీ తెలిసిందే. ఈ సినిమాను దర్శకుడు చందు మొండేటి తెరకెక్కిస్తుండటంతో ఈ మూవీపై అంచనాలు పీక్స్‌కి చేరుకున్నాయి.
ఇక ఈ సినిమా నుండి రీసెంట్‌గా రిలీజైన ‘బుజ్జి తల్లి’ సాంగ్ ప్రేక్షకులను అమితంగా ఆకట్టుకుంటోంది. అయితే, నాగచైతన్య పుట్టినరోజు సందర్భంగా తాజాగా ఈ మూవీ నుండి తండేల్ రాజు పాత్రకు సంబంధించి ఓ సరికొత్త పోస్టర్‌ని రిలీజ్ చేశారు. ఈ పోస్టర్‌లో చైతూ లుక్స్ చాలా సీరియస్‌గా కనిపిస్తుండటంతో ప్రేక్షకులు ఈ సీన్ యాక్షన్ సీక్వెన్స్‌కి సంబంధించి ఉంటుందని భావిస్తున్నారు.
ఈ సినిమాలో అందాల భామ సాయి పల్లవి హీరోయిన్‌గా నటిస్తుండటంతో ఈ మూవీపై అంచనాలు భారీగా నెలకొన్నాయి. ఇక ఈ సినిమాకు దేవిశ్రీ ప్రసాద్ సంగీతం అందిస్తుండగా, బన్నీ వాస్ ఈ చిత్రాన్ని ప్రొడ్యూస్ చేస్తున్నారు.
