హీరో సిద్ధార్థ్ నటించే సినిమాలకు ప్రత్యేక ఫాలోయింగ్ ఉంటుంది. ఆయన నటించే సినిమాలను ఖచ్చితంగా చూడాలని కొందరు భావిస్తారు. దీంతో హిట్, ఫ్లాప్‌లతో సంబంధం లేకుండా సిద్ధార్థ్ సినిమాలు చేస్తూ బిజీగా ఉన్నాడు. ఇక ఈ హీరో నటిస్తున్న లేటెస్ట్ మూవీ ‘మిస్ యు’ అన్ని పనులు ముగించుకుని రిలీజ్‌కు రెడీ అయ్యింది.
ఈ సినిమా ట్రైలర్‌ను తాజాగా రిలీజ్ చేశారు మేకర్స్. ఈ ట్రైలర్ పూర్తిగా కమర్షియల్ అంశాలతో ఉండటంతో ఈ మూవీపై మంచి బజ్ క్రియేట్ అవుతుంది. సిద్ధార్థ్ ఈసారి ఎలాంటి ప్రయోగాలకు పోకుండా ఓ ఫక్తు రొమాంటిక్ యాక్షన్ ఎంటర్‌టైనర్‌తో రాబోతున్నట్లు ఈ ట్రైలర్ చూస్తే అర్థమవుతోంది. డైరెక్టర్ కావాలని అనుకునే హీరో తాను రాసుకున్న లవ్ స్టోరీని హీరోయిన్‌కి వినిపించడం.. ఆమెతో ప్రేమలో పడటం.. ఓ పొలిటికల్ లీడర్‌తో యాక్షన్ వంటి సీన్స్ మనకు ఈ ట్రైలర్‌లో కనిపిస్తాయి.
ఇక ఈ సినిమాలో కామెడీకి కూడా ప్రాధాన్యత ఇచ్చారు. ఈ సినిమాను ఎన్.రాజశేఖర్ డైరెక్ట్ చేశారు. అందాల భామ ఆషికా రంగనాధ్ హీరోయిన్‌గా నటించిన ఈ సినిమాకు గిబ్రన్ సంగీతం అందించాడు. ఈ చిత్రాన్ని నవంబర్ 29న రిలీజ్ చేస్తున్నట్లు మేకర్స్ ప్రకటించారు.
