నందమూరి బాలకృష్ణ నటిస్తున్న లేటెస్ట్ మూవీ ‘డాకు మహారాజ్’ సంక్రాంతి కానుకగా జనవరి 12న గ్రాండ్ రిలీజ్‌కు రెడీ అవుతోంది. యంగ్ డైరెక్టర్ బాబీ ఈ చిత్రాన్ని పూర్తి యాక్షన్ ఎంటర్‌టైనర్‌గా తెరకెక్కించడంతో ఈ సినిమాను ఎప్పుడెప్పుడు చూద్దామా అని అందరూ ఆసక్తిగా చూస్తున్నారు. ఇప్పటికే రిలీజ్ అయిన ఈ మూవీ పోస్టర్స్, టీజర్ ఈ సినిమాపై అంచనాలను పెంచేశాయి.
ఇక ఈ సినిమా ప్రమోషన్స్‌ను నెక్స్ట్ లెవెల్‌లో ప్లాన్ చేస్తున్నారు మేకర్స్. తాజాగా ఈ చిత్రానికి సంబంధించి ఓ గ్రాండ్ ఈవెంట్‌ను అమెరికాలో నిర్వహించేందుకు చిత్ర యూనిట్ సిద్ధమయ్యింది. టెక్సాస్‌లోని డల్లాస్ నగరంలో డాకు మహారాజ్ ఈవెంట్ నిర్వహించబోతున్నట్లు మేకర్స్ తాజాగా ప్రకటించారు. ఈ గ్రాండ్ ఈవెంట్‌ను జనవరి 4న సాయంత్రం 6 గంటలకు ప్రారంభిస్తున్నట్లు తెలిపారు.
దీంతో ఓవర్సీస్‌లోని బాలయ్య అభిమానులు ఈ గ్రాండ్ ఈవెంట్ కోసం ఆసక్తిగా చూస్తున్నారు. ఇక ఈ సినిమాలో బాలయ్య పాత్ర అభిమానులను సర్‌ప్రైజ్ చేయడం ఖాయమని చిత్ర యూనిట్ చెబుతోంది. ప్రగ్యా జైస్వాల్, శ్రద్ధా శ్రీనాథ్, చాందిని చౌదరి, బాబీ డియోల్ తదితరులు ఇతర ముఖ్య పాత్రల్లో నటిస్తున్నారు. ఈ చిత్రానికి తమన్ సంగీతం అందిస్తుండగా సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ బ్యానర్లపై నాగవంశీ, సాయి సౌజన్య ఈ చిత్రాన్ని ప్రొడ్యూస్ చేస్తున్నారు.
