నాని లాంఛ్ చేసిన పవర్ఫుల్ “భైరతి రణగల్” తెలుగు ట్రైలర్..

కన్నడ ప్రముఖ సీనియర్ హీరో శివ రాజ్ కుమార్ హీరోగా నటించిన లేటెస్ట్ చిత్రమే “భైరతి రణగల్”. కన్నడలో మంచి హిట్ ని సాధించిన ఈ చిత్రాన్ని దర్శకుడు నర్తన్ తెరకెక్కించగా మేకర్స్ ఇపుడు తెలుగు సహా తమిళ్ ట్రైలర్ లని అయితే రిలీజ్ కి తీసుకొచ్చారు. మరి తమిళ్ లో టాలెంటడ్ నటుడు శివ కార్తికేయన్ రిలీజ్ చేయగా తెలుగులో నాచురల్ స్టార్ నాని హీరోగా రిలీజ్ చేశారు.

అయితే తెలుగులో ఈ ట్రైలర్ మంచి మాస్ అండ్ పవర్ఫుల్ గా ఉందని చెప్పాలి. కష్టాల్లో ఉన్న ప్రజల కోసం ఎంతవరకు అయినా వెళ్లగలిగే పాత్రలో మాస్ స్క్రీన్ ప్రెజెన్స్ తో శివ రాజ్ కుమార్ కనిపిస్తుండగా ఈ ట్రైలర్ లో రవి బాసృర్ ఇచ్చిన బ్యాక్గ్రౌండ్ స్కోర్ ఇంప్రెసివ్ గా ఉందని చెప్పాలి. ఇంకా ఈ ట్రైలర్ లో శివ రాజ్ కుమార్ పై కొన్ని మాస్ సీన్స్ బాగున్నాయి. అలాగే కొన్ని షాట్స్ లో అయితే సినిమాటోగ్రఫీ కూడా ఇంప్రెసివ్ గా ఉందని చెప్పాలి. మరి ఈ చిత్రం తెలుగులో నవంబర్ 29న థియేటర్స్ లో రిలీజ్ కి రాబోతుంది.