“జీబ్రా” X “బ్లఫ్ మాస్టర్” తెలుగు ఆడియెన్స్ కి సత్యదేవ్ రిక్వెస్ట్..

మన టాలీవుడ్ లో ఉన్నటువంటి అతి కొద్ది మంది యంగ్ అండ్ వెర్సటైల్ హీరోస్ లో టాలెంటెడ్ నటుడు సత్యదేవ్ కూడా ఒకడు. మరి తన బ్లఫ్ మాస్టర్ సినిమాతో ఒక్కసారిగా అందరి దృష్టి ఆకర్షించిన తాను మెగాస్టార్ చిరంజీవిని సైతం మెప్పించాడు. ఇలా ఒక సాలిడ్ హిట్ ని థియేట్రికల్ గా చూడాలి అనుకున్న సమయంలో వచ్చిన లేటెస్ట్ సినిమానే “జీబ్రా”.

దర్శకుడు ఈశ్వర్ కార్తీక్ తెరకెక్కించిన ఈ చిత్రం ప్రీమియర్స్ నుంచే సాలిడ్ టాక్ సొంతం చేసుకొని మొదటి వీకెండ్ ఒకరోజుకి మించి మరోరోజు అదరగొడుతూ వసూళ్లు రాబట్టింది. మరి ఇంత సక్సెస్ ఇచ్చిన తెలుగు ఆడియెన్స్ కి సత్యదేవ్ ఓ రిక్వెస్ట్ చేస్తున్నాడు.

తన విజయాన్ని తమ విజయం అనుకున్న తెలుగు ప్రేక్షకులకి ధన్యవాదాలు తెలియజేస్తూ బ్లఫ్ మాస్టర్ ని థియేటర్స్ లో మిస్ అయ్యి ఓటిటి, యూట్యూబ్ లో చూసి చాలా ప్రేమ కురిపించారు. కానీ జీబ్రాకి అలా జరగకూడదు అందుకే అందరూ ఈ చిత్రాన్ని థియేటర్స్ లోనే చూడండి మీకు ఖచ్చితంగా నచ్చుతుంది అంటూ రిక్వెస్ట్ చేస్తున్నాడు. ఎప్పటికీ మీకు రుణపడి ఉంటాను అని సత్యదేవ్ తెలుగు ఆడియెన్స్ పట్ల తన కృతజ్ఞత వ్యక్తం చేసాడు.