టాలీవుడ్ పవర్ స్టార్ అలాగే ఏపీ ముఖ్యమంత్రి అయినటువంటి పవన్ కళ్యాణ్ హీరోగా ఇప్పుడు మొత్తం మూడు సినిమాలు చేస్తున్న సంగతి తెలిసిందే. మరి ఈ మూడు సినిమాల్లో రెండు సినిమాలు దాదాపు చివరి దశ షూటింగ్ కి కూడా వచ్చేసాయి. మరి ఆ చిత్రాలే యంగ్ దర్శకుడు సుజీత్ తో చేస్తున్న “ఓజి” అలాగే మరో చిత్రం దర్శకుడు జ్యోతికృష్ణతో చేస్తున్న భారీ చిత్రం “హరిహర వీరమల్లు”.
మరి ఈ రెండు చిత్రాలు కూడా ఇంకా పవన్ నుంచి కొన్ని డేట్స్ ఇస్తే ఎప్పుడో పూర్తి కావాల్సినవి ఇప్పటికీ ఇలా కొనసాగుతూ వస్తున్నాయి. అయితే ఇపుడు ఈ రెండు సినిమాల షూటింగ్స్ పై లేటెస్ట్ అప్డేట్స్ అయితే ఇపుడు వినిపిస్తున్నాయి. మొదటిగా వీరమల్లు షూటింగ్ అయితే ఈ నవంబర్ 28 నుంచి మొదలు కానున్నట్టుగా తెలుస్తుంది. అక్కడ నుంచి డిసెంబర్ మొదటి వారం వరకు కొనసాగనున్న ఈ షూట్ లో పవన్ పాల్గొననున్నారట.
మరి ఇది భారీ సెట్టింగ్ లో జరగనున్నట్టుగా తెలుస్తుంది. ఇక ఓజి విషయానికి వస్తే.. ఈ డిసెంబర్ 5 నుంచి అవైటెడ్ బ్యాంగ్ కాక్ షెడ్యూల్ ని మేకర్స్ స్టార్ట్ చేయనున్నట్టుగా తెలుస్తుంది. ముందుగా అక్కడ పవన్ లేని సీన్స్ ని అయితే మేకర్స్ తీయనున్నారట. ఇక్కడ ఓ యాక్షన్ షూట్ ని సుజీత్ ప్లాన్ చేసినట్టుగా తెలుస్తుంది. సో ఇలా మొత్తానికి అయితే ఈ క్రేజీ ప్రాజెక్ట్ ల ప్లానింగ్స్ ఇలా ఉన్నాయని చెప్పాలి.
