హీరో నితిన్, యంగ్ బ్యూటీ శ్రీలీల కాంబినేషన్‌లో తెరకెక్కిన లేటెస్ట్ మూవీ ‘రాబిన్‌హుడ్’ డిసెంబర్ 20న గ్రాండ్ రిలీజ్‌కు రెడీ అవుతోంది. ఈ సినిమాను దర్శకుడు వెంకీ కుడుముల పూర్తి క్రైమ్ యాక్షన్ థ్రిల్లర్‌గా తెరకెక్కిస్తుండటంతో ఈ మూవీపై మంచి బజ్ క్రియేట్ అయ్యింది. ఇక ఈ సినిమా పోస్టర్స్, టీజర్ ఇప్పటికే ప్రేక్షకుల్లో పాజిటివ్ వైబ్స్ క్రియేట్ చేశాయి.
అయితే, ఈ సినిమా నుండి తాజాగా ‘వన్ మోర్ టైమ్’ అనే సాంగ్‌ను మేకర్స్ రిలీజ్ చేశారు. ఈ పాట చాలా రిఫ్రెషింగ్‌గా ఉండటంతో మ్యూజిక్ లవర్స్‌ను ఇన్‌స్టంట్‌గా ఆకట్టుకుంటోంది. చక్కటి లిరిక్స్‌కు జివి.ప్రకాష్ కుమార్ వాయిస్ చాలా కొత్తగా ఉండటంతో ఈ పాట ఆసక్తిని క్రియేట్ చేస్తోంది. దీనికి తోడు విద్యా వోక్స్ వాయిస్ కూడా ఈ పాటకు అదనపు బలంగా మారిందని చెప్పాలి. క్యాచీ ట్యూన్‌తో వచ్చిన ఈ పాట ప్రేక్షకులను ఇంప్రెస్ చేసేలా ఉంది.
ఇక ఈ సినిమాకు జివి.ప్రకాష్ కుమార్ తనదైన మార్క్ సంగీతం అందిస్తుండగా, మైత్రీ మూవీ మేకర్స్ ఈ సినిమాను ప్రొడ్యూస్ చేస్తున్నారు.
