పుష్ప-2 లాస్ట్ డే.. 5 ఏళ్ల జర్నీకి ఫుల్‌స్టాప్!

ఐకాన్ స్టార్ అల్లు అర్జున్ నటిస్తున్న ప్రెస్టీజియస్ మూవీ ‘పుష్ప-2’ డిసెంబర్ 5న గ్రాండ్ రిలీజ్‌కు రెడీ అయ్యింది. దర్శకుడు సుకుమార్ తెరకెక్కిస్తున్న ఈ సినిమా బాక్సాఫీస్ దగ్గర ఎలాంటి రికార్డులు క్రియేట్ చేస్తుందా అని అందరూ ఆసక్తిగా ఎదురుచూస్తున్నారు. ఇక ఈ సినిమాకు సంబంధించిన షూటింగ్ పనులు ముగిసిన సంగతి తెలిసిందే.

ఈ సినిమా షూటింగ్ చివరి రోజు సందర్భంగా అల్లు అర్జున్ ఓ ఇంట్రెస్టింగ్ ట్వీట్ చేశాడు. ‘5 ఏళ్ల జర్నీ ఎట్టకేలకు ముగిసింది..’ అంటూ సెట్స్‌లోని ఓ ఫోటోను తన సోషల్ మీడియా అకౌంట్‌లో పోస్ట్ చేశాడు.

ఇలా బన్నీ ఎంతో పుష్ప, పుష్ప-2 సినిమాల కోసం ఎంతగా శ్రమించాడో అందరికీ తెలిసిందే. దీంతో బన్నీ పడ్డ కష్టానికి తగిన ప్రతిఫలం తప్పక అందుతుందని అభిమానులు ధీమా వ్యక్తం చేస్తున్నారు. రష్మిక మందన్న హీరోయిన్‌గా నటిస్తున్న ఈ సినిమాకు దేవిశ్రీ ప్రసాద్ సంగీతం అందించగా మైత్రీ మూవీ మేకర్స్ ప్రొడ్యూస్ చేస్తున్నారు.