గ్లోబల్ స్టార్ రామ్ చరణ్ హీరోగా కియార అద్వానీ హీరోయిన్ గా దర్శకుడు శంకర్ తెరకెక్కిస్తున్న అవైటెడ్ సినిమానే “గేమ్ ఛేంజర్”. మరి మొదలైన సమయంలో ఈ సినిమాపై మంచి అంచనాలు నెలకొన్నాయి కానీ సినిమా బాగా ఆలస్యం అవుతూ వచ్చింది. అయితే ఎట్టకేలకు మళ్లీ అప్డేట్ లతో మేకర్స్ హైప్ ని పెంచుకుంటూ వెళుతున్నారు.
ఇక సాంగ్స్ కూడా ఆల్రెడీ రెండు వచ్చాయి. అయితే శంకర్ అంటేనే సాంగ్స్ కి ఒక స్పెషల్ బ్రాండ్ ఉంది. సాలిడ్ బీట్స్ అయినా భారీ విజువల్స్ తో కూడిన మెలోడీస్ అయినా శంకర్ సినిమాల్లో ప్రత్యేకం. అయితే గేమ్ ఛేంజర్ విషయంలో ఎక్కడో చిన్న అసంతృప్తి తన ఫ్యాన్స్ లో ఉంది. మరి దీనిని ఫైనల్ గా లేటెస్ట్ మెలోడీ నానా హైరానా సాంగ్ తీర్చేలా ఉందని చెప్పాలి.
జస్ట్ ప్రోమోలో సాంగ్ వింటేనే అందరికీ వింటేజ్ శంకర్ మార్క్ మెలోడీస్ లో తన టేస్ట్ గుర్తు రాక మానలేదు. దీనితో డెఫినెట్ గా ఈ సాంగ్ మాత్రం శంకర్ మార్క్ ట్రీట్ ఇస్తుంది అని అంతా భావిస్తున్నారు. మరి ఈ ఫుల్ సాంగ్ ఎలా ఉంటుందో తెలియాలి అంటే రేపు నవంబర్ 28 వరకు ఆగాల్సిందే. ఇక ఈ చిత్రానికి థమన్ సంగీతం అందిస్తున్నాడు అలాగే దిల్ రాజు నిర్మాణం వహిస్తున్న సంగతి తెలిసిందే.
