తమిళ స్టార్ హీరో సూర్య రీసెంట్‌గా ‘కంగువా’ చిత్రంతో ప్రేక్షకుల ముందుకు వచ్చిన సంగతి తెలిసిందే. ఈ సినిమాను దర్శకుడు శివ డైరెక్ట్ చేశాడు. ఇక తన నెక్స్ట్ చిత్రాన్ని సూర్య డైరెక్టర్ కార్తీక్ సుబ్బరాజు దర్శకత్వంలో చేస్తున్నాడు. ఈ సినిమా షూటింగ్ ఇప్పటికే శరవేగంగా జరుగుతోంది.
అయితే, సూర్య ఇప్పుడు తన కొత్త ప్రాజెక్టును కూడా స్టార్ట్ చేశాడు. యాక్టర్ కమ్ డైరెక్టర్ ఆర్‌జే బాలాజీ దర్శకత్వంలో సూర్య తన కెరీర్‌లోని 45వ చిత్రంలో నటించేందుకు సిద్ధమవుతున్నాడు. ఈ సినిమాను బుధవారం పూజా కార్యక్రమాలతో లాంఛనంగా ప్రారంభించారు. ఈ పూజా కార్యక్రమంలో చిత్ర యూనిట్ సభ్యులు పాల్గొన్నారు.
ఈ సినిమాను దర్శకుడు పూర్తి యాక్షన్ ఎంటర్‌టైనర్ చిత్రంగా తెరకెక్కించేందుకు సిద్ధమవుతున్నాడు. ఇక ఈ సినిమాను భారీ బడ్జెట్‌తో డ్రీమ్ వారియర్ పిక్చర్స్ బ్యానర్ ప్రొడ్యూస్ చేస్తోంది.
