టాలీవుడ్ యువ హీరో కిరణ్ అబ్బవరం హీరోగా నయన్ సారిక హీరోయిన్ గా సందీప్, సుజీత్ లు తెరకెక్కించిన లేటెస్ట్ సూపర్ చిత్రమే “క”. మరి మేకర్స్ పెట్టుకున్న అంచనాలు అన్నీ రీచ్ అయ్యి బ్లాక్ బస్టర్ హిట్ గా ఈ చిత్రం నిలిచిన సంగతి తెలిసిందే. మరి ఈ దీపావళి కానుకగా వచ్చిన ఈ చిత్రం పలు ఇబ్బందులు చూసినప్పటికీ భారీ విజయాన్ని సాధించింది.
ఇక ఈ చిత్రం థియేటర్స్ లో అలరించి ఇపుడు తెలుగు వెర్షన్ లో మాత్రం ఓటిటి ఎంట్రీ ఇచ్చేసింది. ఈ సినిమా స్ట్రీమింగ్ హక్కులని మన తెలుగు స్ట్రీమింగ్ యాప్ ఈటీవీ విన్ వారు సొంతం చేసుకోగా అందులో ఈ చిత్రం నేటి నుంచి వచ్చేసింది. మరి ఈ చిత్రాన్ని బెస్ట్ ఎక్స్ పీరియన్స్ ఇచ్చేందుకు మేకర్స్ సహా ఈటీవీ విన్ వారు డాల్బీ అట్మాస్ మరియు డాల్బీ విజన్ లలో ఈ సినిమాని తీసుకొచ్చారు. మరి ఈ చిత్రాన్ని అప్పుడు మిస్ అయ్యినవారు ఇపుడు డెఫినెట్ గా ట్రై చేయవచ్చు.
