గ్లోబల్ స్టార్ రామ్ చరణ్ నటిస్తున్న లేటెస్ట్ మూవీ ‘గేమ్ ఛేంజర్’ సంక్రాంతి బరిలో రిలీజ్‌కు రెడీ అవుతోంది. ఈ సినిమాను దర్శకుడు శంకర్ డైరెక్ట్ చేస్తుండటంతో ఈ మూవీ బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు. ఇప్పటికే ఈ సినిమా పోస్టర్స్, సాంగ్స్, టీజర్ ఈ మూవీపై అంచనాలను పీక్స్‌కి తీసుకెళ్లాయి.
ఇక తాజాగా ఈ సినిలోని మూడో సింగిల్ సాంగ్ ‘నానా హైరానా’ పాటను మేకర్స్ రిలీజ్ చేశారు. ఈ పాటకు రామ జోగయ్య శాస్త్రి చక్కటి లిరిక్స్ అందించగా సింగర్స్ కార్తీక్, శ్రేయా ఘోషల్ అద్భుతంగా పాడారు. ఈ పాటను మెలోడీ ట్యూన్‌తో థమన్ కంపోజ్ చేసిన విధానం బాగుంది. స్లోగా ఈ పాట ప్రేక్షకులు ఎక్కుతోంది. ఇక ఈ పాటను చిత్ర యూనిట్ ఇన్‌ఫ్రా రెడ్ టెక్నాలజీతో చిత్రీకరించడం హాట్ టాపిక్‌గా మారింది. ఇందులోని విజువల్స్ ప్రేక్షకులను ఆశ్చర్యానికి గురిచేస్తాయని దర్శకుడు శంకర్ ముందు నుండీ చెబుతూ వస్తున్నాడు. ఆయన చెప్పినట్లుగానే ఈ పాటలోని విజువల్స్ అబ్బురపరిచేలా ఉన్నాయి.
ఈ పాటను బిగ్ స్క్రీన్స్‌పై చూస్తే ఆ కిక్కే వేరుగా ఉంటుందని చిత్ర యూనిట్ ధీమా వ్యక్తం చేస్తోంది. ఇక ఈ పాటలో కియారా అద్వానీతో రామ్ చరణ్ చేసే రొమాన్స్ ప్రేక్షకులను మెప్పిస్తుందని మేకర్స్ చెబుతున్నారు. ఈ సినిమా జనవరి 10న గ్రాండ్ రిలీజ్‌కు రెడీ అయ్యింది.
