నందమూరి నట సింహం నందమూరి బాలకృష్ణ హీరోగా దర్శకుడు కొల్లి బాబీతో చేస్తున్న భారీ చిత్రం “డాకు మహారాజ్” పట్ల ఎలాంటి అంచనాలు ఉన్నాయో అందరికీ తెలిసిందే. మరి ఈ సినిమా తర్వాత బాలయ్య నుంచి సెన్సేషనల్ సీక్వెల్ “అఖండ 2” కూడా ఉంది. అయితే ఈ చిత్రం షూటింగ్ రీసెంట్ గానే మొదలు కాగా దర్శకుడు బోయపాటి శ్రీను మరో లెవెల్లో ఈ చిత్రాన్ని తెరకెక్కిస్తున్నారు.
ఇక ఇదిలా ఉండగా ఓ ఇంట్రెస్టింగ్ టాక్ ఇపుడు ఈ సినిమాపై వినిపిస్తుంది. ఈ చిత్రంలో సీనియర్ నటి లయ కూతురు కీలక పాత్రలో కనిపించనుంది అని తెలుస్తుంది. అఖండ పార్ట్ 1 లో బాలయ్యతో ట్రావెల్ అయ్యే చిన్నారి పాత్ర అందరికీ గుర్తుండే ఉంటుంది. మరి ఆ పాప పెద్దయ్యాక కనిపించే పాత్రలో లయ కూతురు నటిస్తున్నట్టుగా తెలుస్తుంది. అలాగే ఇదే ఆమెకి మొదటి సినిమా అన్నట్టుగా కూడా టాక్. మరి దీనిపై అధికారిక క్లారిటీ ఇంకా రావాల్సి ఉంది.
