లేటెస్ట్ గా ఐకాన్ స్టార్ అల్లు అర్జున్ హీరోగా రష్మిక మందన్నా హీరోయిన్ గా దర్శకుడు సుకుమార్ తో చేసిన అవైటెడ్ సీక్వెల్ చిత్రం “పుష్ప 2 ది రూల్” కోసం అందరికీ తెలిసిందే. మరి ఈ చిత్రం థియేటర్స్ లో రికార్డు వసూళ్లు అందుకొని సంచలనం సెట్ చేస్తుంది. ఈ ఏడాదిలో వరల్డ్ వైడ్ ఇండియాస్ హైయెస్ట్ గ్రాసర్ గా నిలిచి ఇంకా స్ట్రాంగ్ వసూళ్లతో దూసుకెలుతుంది.
ఇక ఇదిలా ఉండగా థియేటర్స్ లో అదరగొడుతున్న పుష్పరాజ్ ఓటిటిలో కూడా అదరగొడుతున్నాడు. అదేంటి పుష్ప 2 ఓటిటిలో ఇంకా రాలేదు కదా రావడానికి సమయం కూడా ఉంది అని డౌట్ రావచ్చు. కానీ ఓటిటిలో దుమ్ము లేపుతుంది పార్ట్ 2 కాదు పార్ట్ 1. పుష్ప ది రైజ్ చిత్రం 2021 లో వచ్చిన సంగతి తెలిసిందే. మరి ఈ చిత్రాన్ని అపుడు అమెజాన్ ప్రైమ్ వీడియో వారు సొంతం చేసుకున్నారు.
ఇపుడు థియేటర్స్ లో పుష్ప 2 బ్లాస్ట్ చేస్తే ఇంట్రెస్టింగ్ గా ఊహించని విధంగా ఓటిటిలో పుష్ప 1 ట్రెండింగ్ లో నిలిచింది. ఇండియా వైడ్ గా ట్రెండ్స్ లో పుష్ప 1 హిందీ సహా తెలుగు భాషల్లో టాప్ 6 మరియు టాప్ 10 స్థానాల్లో ట్రెండింగ్ లో నిలవడం విశేషం. ఇలా పార్ట్ 2 ఉన్న సమయంలో పార్ట్ 1 ఇపుడు అది కూడా ఇండియా వైడ్ గా ట్రెండింగ్ లో నిలవడం అనేది క్రేజీ అంశం అని చెప్పాలి.
