నటసింహం బాలయ్య – బోయపాటి శ్రీను కాంబినేషన్లో వచ్చిన ‘అఖండ’ అద్భుత విజయాన్ని సాధించింది. దీంతో, ‘అఖండ 2 – తాండవం’ పై భారీ అంచనాలు నెలకొన్నాయి. ప్రస్తుతం బోయపాటి ఈ సినిమాలోని బాలయ్య రెండో పాత్ర పై కొన్ని కీలక సన్నివేశాలు తెరకెక్కించే ప్లాన్ లో ఉన్నారు. జనవరి మూడో వారం నుంచి ఆఖండ పాత్రకు సంబంధించిన సన్నివేశాలను తెరకెక్కిస్తారట. ఈ సన్నివేశాలు పూర్తి యాక్షన్ తో సాగుతాయట.
కాగా ఈ సినిమాను 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ప్రొడ్యూస్ చేస్తున్నారు. థమన్ ఈ సినిమాకు సంగీతం అందిస్తున్నారు. బోయపాటి శ్రీను – బాలయ్య కాంబినేషన్‌ లో హ్యాట్రిక్ విజయాలు నమోదయ్యాయి. దీంతో ‘అఖండ 2 – తాండవం’ పై రెట్టింపు అంచనాలు ఉన్నాయి. ఆ అంచనాలకు తగ్గట్టుగానే బోయపాటి ఈ సినిమాలో నటించే నటీనటుల ఎంపిక పై కూడా జాగ్రత్తలు తీసుకుంటున్నారు.
