‘ఓం’ సినిమా టైటిల్ గా భావిస్తోన్న 3 డి చిత్రం కోసం నందమూరి కళ్యాణ్ రామ్ చాల బిజీ గా పనిచేస్తున్నారు. యన్టీయార్ ఆర్ట్స్ బ్యానర్ పై స్వయంగా ఆయన ఈ చిత్రాన్ని నిర్మిస్తున్నారు. క్రితి కర్బంధ, నికేషా పటేల్ ఈ మూవీ లో హీరొయిన్లు గా నటిస్తున్నారు. ఈ చిత్రం కళ్యాణ్ రామ్ కెరీర్ లోనే అత్యంత భారీ బడ్జట్ చిత్రం గా రూపొందుతోంది.
ప్రస్తుతం ఈ చిత్ర యూనిట్ మొత్తం గచ్చిబౌలి లోని అల్యూమినియం ఫ్యాక్టరీ వద్ద ఉంది. అక్కడ ఒక మెగా యాక్షన్ ఎపిసోడ్ చిత్రీకరిస్తున్నారు. కళ్యాణ్ రామ్ తో పాటు మరికొంత మంది ముఖ్య నటులు ఈ సన్నివేశాల్లో నటిస్తున్నారు.
ఇదిలావుంటే, ఈ మూవీ లో కళ్యాణ్ రామ్ చాల డిఫెరెంట్ లుక్ లో కనిపించనున్నారు. అతని హెయిర్ స్టైల్ చూసేందుకు చాలా కొత్తగా ఉంటుంది. కొన్ని సీన్స్ లో అతను, మునపటి చిత్రాలకంటే చాలా విభిన్నంగా కనిపించబోతున్నారు. ఈ చిత్రం హాలీవుడ్ లోని ప్రముఖ టెక్నీషియన్స్ తో ఉన్నత సాంకేతిక విలువలతో నిర్మిస్తున్నారు. సునీల్ రెడ్డి ఈ చిత్రానికి దర్శకత్వ బాధ్యతలు నిర్వర్తిస్తున్నారు. పౌరాణిక నేపధ్యంతో సాగే ఒక యాక్షన్ థ్రిల్లర్ గా ఈ సినిమా ఉండబోతుంది.
కళ్యాణ్ రామ్ ఈ సినిమాను చాల ప్రతిష్టాత్మకంగా తీసుకుని నిర్మిస్తున్నారు. మన కందిన సమాచారం ప్రకారం ఈ సినిమా ఉన్నత సాంకేతిక విలువల పరంగా తెలుగు ఫిల్మ్ ఇండస్ట్రీ లో ఒక బెంచ్ మార్క్ గా ఉండబోతుందని తెలుస్తోంది.