మెగా పవర్ స్టార్ రామ్ చరణ్ తేజ్ తదుపరి చిత్రం ‘రచ్చ’ . ఈ మూవీ ని మాస్ ఎంటర్టైనర్ గా రూపొందిస్తున్నారు. చిత్ర షూటింగ్ శరవేగంగా జరుగుతోంది. శ్రీలంక, బ్యాంకాక్ లలో ఇప్పటికే భారీ షెడ్యూల్స్ చేసారు. ఇటీవలే గోవా లో హీరో ఇంట్రడక్షన్ ఫైట్ ని, భారీ చేజ్ ని నలుగు రోజుల పాటు చిత్రీకరించారు.
మొత్తం ఆరు పాటలు గల ఈ సినిమాలో ‘గ్యాంగ్ లీడర్’ లోని ఓ సాంగ్ ను రీమిక్స్ చేస్తున్నారని పుకార్లు షికారు చేస్తున్నాయి. ఆ ప్రయత్నమేమీ జరగలేదని చిత్ర యూనిట్ చెబుతుంటే, ప్రముఖ నటితో సర్ ప్రైజ్ గా స్పెషల్ సాంగ్ చేయించాలని దర్శక, నిర్మాతలు ఆలోచన చేస్తున్నట్టు ఫిలింనగర్ వర్గాల సమాచారం.
‘ఏమైంది ఈ వేళ’ సినిమాతో ప్రతిభను చాటుకున్న సంపత్ నంది ఈ చిత్రానికి దర్శకత్వం వహిస్తున్నారు. మెగా సూపర్ గుడ్ ఫిల్మ్స్ పతాకంపై ఆర్ బి చౌదరి సమర్పణలో ఎస్వి ప్రసాద్, పరాస్ జైన్ ఈ సినిమాను నిర్మిస్తున్నారు. మణిశర్మ సంగీతం.