విలక్షణ నటుడు ప్రకాష్ రాజ్ నిర్మాణ సారధ్యంలో వస్తున్న ద్విభాషా చిత్రం ‘ధోని’. ఈ మూవీ తదుపరి షెడ్యూల్ పాండిచ్చేరి లో మొదలయింది. ఈ మూవీ లో ప్రకాష్ రాజ్, ఆకాష్, రాధిక ఆప్టే, ప్రధాన పాత్రలు పోషిస్తున్నారు. ఈ చిత్రానికి సంబంధించిన కొన్ని వివరాలను ప్రకాష్ రాజ్ వెల్లడించారు. ప్రభుదేవా ఈ సినిమాలో అతిధి పాత్ర పోషిస్తారని, ప్రభు పై ఓ పాత చిత్రీకరణ ప్రస్తుతం జరుగుతుందని ఆయన తెలిపారు.
ఒక సున్నిత కథాంశంతో ఈ చిత్రం సాగుతుంది. క్రికెట్ అంటే విపరీతంగా ఇష్టపడే తనయున్ని ఆ తండ్రి ఉన్నత చదువులు చదివించాలనుకునే ఇతివృత్తంతో ఈ సినిమా నడుస్తుంది. ఇళయరాజా సంగీతం అందిస్తున్న ఈ చిత్రానికి సినిమాటోగ్రాఫర్ కెవి గుహన్.